adhurA!!!

Mera adhura jeevan, uski adhuri kahaani
meri adhuri kavita, mere adhurepan ki nishaani

adhkhuli aankho ke adhure sapne,
adhuri khwahishe adhuri chaahate
adhure se khel mere adhure bachpan ke,
adhure se safar pe ye adhuri jawaani

adhuri chhitij ko uljhaati adhuri dishaaye,
gujare haalat se uljhaa mera adhura kal
adhure sooraj sa Roshan mera adhura bhavishya,
adhure aaj mein dhoondhata ek adhuri muskaan

adhure rishto ki adhuri si khushiya,
adhure se log adhure se hum
maut ki mohabbat bhi hai adhuri,
zindagi se yehi ek shikaayat hai puraani

duniya mein kitne aise adhure jeevan,
har jeevan ki aisi kitni adhuri kahani
usme meri bhi ek adhuri kavita,
usme meri bhi ek adhuri kahaani